Networking Á Carta

O pasado 30 de outubro, AJE Lugo en colaboración con AJE Ferrolterra celebrou en Vilalba a actividade «Networking Á Carta», un encontro dirixido a persoas empresarias, emprendedoras e profesionais autónomos, co obxectivo de fomentar as relacións profesionais, facilitar o intercambio de experiencias e xerar novas oportunidades de colaboración.

A actividade desenvolveuse no restaurante A Nova Ruta, nun ambiente próximo e distendido que permitiu ás persoas participantes coñecer outros proxectos empresariais, compartir inquedanzas e ampliar a súa rede de contactos.

O encontro comezou cunha dinámica de Speed Speech, na que cada participante tivo a oportunidade de presentar brevemente o seu negocio ou iniciativa, dar a coñecer os seus servizos e establecer os primeiros contactos co resto de asistentes.

A continuación, celebrouse unha cea de networking que permitiu continuar as conversas nun contexto máis informal, afondar nas relacións establecidas durante as presentacións e explorar posibles vías de colaboración entre os diferentes proxectos.

Con «Networking Á Carta», AJE Lugo e AJE Ferrolterra apostaron por un formato de encontro que combina a presentación profesional cun espazo de convivencia, facilitando que as persoas participantes poidan conectar máis alá do seu ámbito habitual de traballo.